ملتان، 10/اکتوبر (ایس او نیوز /ایجنسی)ہیری بروک نے جمعرات کو پاکستان کے خلاف پہلے ٹیسٹ میچ کے چوتھے دن شاندار ریکارڈ ٹرپل سنچری بنائی۔ یہ 34 سال بعد انگلینڈ کی جانب سے ٹرپل سنچری بنانے کا پہلا موقع ہے۔ اس کامیابی کے ساتھ ہیری بروک ٹیسٹ کرکٹ میں ٹرپل سنچری بنانے والے انگلینڈ کے چھٹے بلے باز بھی بن گئے ہیں۔

بروک نے 143.3 اوورز میں صائم ایوب پر چوکا لگا کر اپنی ٹرپل سنچری مکمل کی۔ سنچری مکمل کرنے کے بعد انہوں نے آسمان کی طرف دیکھتے ہوئے ڈریسنگ روم میں بیٹ اٹھانے کے بعد اپنی آنجہانی دادی پولین کو سلام پیش کیا۔

 147ویں اوور تک ہیری بروک اپنی ناٹ آؤٹ 315 رنز کی اننگ میں 29 چوکے اور تین چھکے لگا چکے ہیں۔اس سے قبل ہیری بروک نے اپنے ٹیسٹ کیریئر کی پہلی ڈبل سنچری 239 گیندوں پر مکمل کی تھی۔